發表於 CookeryKidsOthers

親子露營 入秋第一露:灣仔南營

風起了~又是露營好季節!剛過去的星期五、六、日,與Minimum 2號、大哥哥與一眾露營大小朋友,齊齊出發展開15年秋季露營第1擊,就係我地常去之地:灣仔南營。

出發啦~~~~~
出發啦~~~~~

呢個灣仔南並唔係香港島嗰個,坐地鐵去唔到架!呢個營地位於西貢西郊野公園,於海下出發行去約1小時,坐翠華大船或街渡大飛亦可。我地人多勢眾,當然選擇找我地船家朋友仔book家船飛船過去啦~~飛住船去,由黃石碼頭出發至灣仔南營,只需5分鐘左右,真係超快!

逢假日有船到灣仔南營。
逢假日有船到灣仔南營。

由於近日黃石碼頭非法泊車問題嚴重,故出現「抄牌潮」,試過有露營友稱一晚被抄4張「牛肉乾」。為免要泊車又同人迫又無營地,而且灣仔南營是露營熱門地,我地選擇於星期五入營,星期日下午出營。

亮燈啦~~
亮燈啦~~

由於朋友們已替我們起了營(實在太感動),所以就算我們晚上出發,到達時只需快速為充氣地蓆加氣、吹了個小枕頭,放置好日用品,仍有足夠的時間來個宵夜~是夜大人們玩啤牌、飲下酒,眨下眼就到3:00am,係時間覺覺豬了……

在12蚊度買了包「油墊紙」,用來墊在煎pan,就可以減少用油,同埋唔使下下行去洗煲洗pan了。
在12蚊度買了包「油墊紙」,用來墊在煎pan,就可以減少用油,同埋唔使下下行去洗煲洗pan了。

第2日一早,另一小梯隊攜帶我們當天的晚餐、飲品、冰塊到埗,我們就邊替大家準備早餐,他們就忙著起營。是日早餐:香煎德國大香腸、午餐肉、炒蛋、泰式沙甸魚、芝士飛碟,友人在日本買回來的Snow Peak飛碟夾很好玩,上次玩過,一眾小朋友都超love,今次配上他們大愛的香腸、炒蛋、芝士,再烘隻「bird bird」,還有必帶的朱古力奶 + 朱古力麥片,大人們就飲杯咖啡,很快又過了個上午啦~~~

小朋友最愛的早餐!
小朋友最愛的早餐!

早餐推介系列:飛碟!其實不用一定購買Snow Peak的飛碟夾,你也可以帶個格餅器,還有雞蛋仔模(當然是重一點),再在759買盒pancake粉,加點奶加隻蛋,配蜜糖、煉奶、果醬,都是個很愛小朋友歡迎的早餐/下午茶呀!

玩呀玩呀~~~
玩呀玩呀~~~

當天上午很好天,太陽伯伯沒有偷懶,很曬很曬,小朋友就躲在營幕下玩玩沙,還有玩UNO,UNO、Pictionary、大富翁、啤牌都是大一點小朋友的最佳遊戲,媽媽們可以準備一兩樣輕便的,讓他們作消遣。而小一點的小朋友,我就準備了顏色筆、畫簿、車仔等玩具,讓他們玩個夠。

在香草番茄肉丸加兩片芝士,很開胃好味的一餐。
在香草番茄肉丸加兩片芝士,很開胃好味的一餐。

話咁快又要準備午餐了,原來我家男主人準備包餃子+日式烏冬,可以醃好了豬肉但忘了帶餃子皮,不用怕,好彩本來我想試煮西式番茄水波蛋,帶了兩罐番茄肉,那就來個fusion茶,將白菜豬肉餡整成肉丸,煎一煎後就加入番茄肉、香草、鹽、糖,成為香草番茄肉丸,配上冷烏冬,小朋友大人都愛吃呀!

遠處就是個小沙灘,有很多小朋友去玩呀!
遠處就是個小沙灘,有很多小朋友去玩呀!

中午時分,天氣炎熱,灣仔南旁其實也有個小沙灘,沙的質地不算幼細,水質只算中等,但如果覺得很熱,也可以帶小朋友去玩玩水,灣仔南營的洗手間設備算是齊備,有沖涼間、廁所及洗碗地方,而且每天都有人清潔,頗潔淨,我喜歡帶Minimum到「殘廁」,用專消毒廁板的濕紙巾(我在日本藥房買的)抹抹,再鋪上小朋友專用的厚身、有貼紙、超大塊的廁所墊,Minimum 2號要bubu都不是問題,媽媽絕對不用擔心帶小朋友如廁會有困難呀!

好味!
好味!

晚餐就是大人小朋友都喜歡的BBQ時間,今次Missmum與我家男主人想試試玩「A4紙箱焗雞」,事前陳生特別醃了兩隻大雞,再用錫紙包好紙箱,放上燒烤網及燒烤叉,透過燒熱了的炭來令紙箱內的溫度升溫,這個就是設計簡陋但非常WORK的焗爐了,只需45分鐘左右,焗雞皮脆肉嫩,比起用家用焗爐更好味更滑溜,Minimum 2號一人包辦了4隻雞脾,好味呀~~~~~~

當晚由於Minimum 2號玩得太累,未到9時已要覺覺豬,Missmum惟有陪伴小公主,一齊zzzzZZZZZZZ啦~~~

超正蒸飯!
超正蒸飯!

話咁快就到了第3天,早上我們先來個瑤柱咸肉菜甫粥,醒胃舒服,小朋友就encore多次飛碟多士(他們說好好味),然後來個金針雲耳蒸滑雞飯做brunch,咁就要執野啦~~~帶小朋友去camping,不用擔心他們會悶,應該俾多點任務他們負責,我們每次都會將「執垃圾」交給他們處理,既可令他們更投入camping,亦要教導他們要愛惜環境。

04

IMAG8545a IMAG8436a

基本露營用品:

1/ 營幕

2/ 地蓆

3/ 睡袋、充氣地蓆

4/ 檯、櫈

5/ 大背囊

6/ 爐具、煎pan、煲

7/ 食具

8/ 食物、飲品、調味料

9/ 冰箱

10/ 垃圾袋

11/ 雨具(天有不測之風雲,試過明明超好天都會下大雨,有雨具就可以防萬一)

12/ 洗潔精、清潔用品、個人護理用品(最好選擇環保物料製成的清潔用品,減少破壞環境,用環酵也不錯)

*當然,當你中了毒,你需要帶備的物品,就不止這些了~~~~如果是初入門,可上淘寶選購物品,但Missmum仍是覺得Logos用品最靚呀~~~可上 www.logos.ne.jp www.campsaver.com 上網訂購。

(可睇番之前Missmum在日本買Logos用品的文章呀~)

02 01

小朋友露營入帶物品:

1/ 小朋友濕紙巾

2/ 廁所板消毒濕紙巾

3/ 厚身超大即棄廁所墊

4/ 蚊怕水

5/ 防曬物品

6/ 小公仔或心愛被被

7/ 摺合式小櫈仔

8/ 小風扇

9/ 足夠衫褲

10/ UNO、Pictionary、大富翁、啤牌、玩沙玩具……

IMAG8532a IMAG8539a

灣仔南營有乜好玩:

放風箏、釣魚(需要用魚桿,岸邊太多大石)、踢波(不過要小心其他營友的營幕呀)、玩水、訓吊床……

洗手間整潔度算是不錯呀!
洗手間整潔度算是不錯呀!

灣仔南營點樣去?

可選擇由西貢市中心搭7號小巴到海下,之後行45分鐘到達。亦可先利坐94號巴士或綠色的士到黃石碼頭,再坐翠華大船(tel 2272 -2022)出發!

逢星期六、日及公眾假期,由黃石碼頭出發(約20分鐘到達):

9:40am、10:40am、11:40am、12:40pm、1:40pm、2:40pm、3:40pm、4:40pm

露營真係好好玩架!
露營真係好好玩架!

By Yamamami~~~~~~

廣告

作者:

當不成YamaGirl也要當個Yamamami,愛大自然的媽媽,家有一大一小小魔怪,希望小朋友可以在大自然找到快樂童年。

親子露營 入秋第一露:灣仔南營 有 “ 2 則迴響 ”

  1. 你好呀Erica,文中提及的蚊怕紙,我在日本買的。你可試試Johnson’s baby有隻細細支蚊怕水,產自泰國,有好多bb代購網站有得賣,另可試珮氏驅蚊爽,可於萬寧、屈臣氏買到。我自己亦會用天然香茅油,噴落一條小毛巾到,畀小朋友縛係褲頭,可以有助驅蚊。訓前1個鐘,係營前點蚊香,可以避免入營時有蚊走入營內。記住有無比滴、麵包超人蚊貼,以防咬後小朋友痕癢。你自己可用3M蚊怕水,我試過咁多隻,較work

  2. Hi,Yamamami,謝謝你的分享。看到Mimimum 去camping 咁開心,作為媽媽也替你開心。
    下星期也計劃第一次帶兩個女兒去貝澳camping,她們只有三歲半及兩歲,基本已跟足你的提醒去預備,但仍有點地方想問一下:
    你介紹的小朋友防蚊防曬,效果好嗎?可到那裡買呢,因小女被蚊針,都會較難好,所以特別注意防蚊,望求解答。
    Renee and Renna Mami

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s